常見問題

唔會。 1 年（HK$69）同 2 年（HK$99）都係一次過付款，唔會自動續期。到期如果想繼續用付費功能，可以自己再買一次過年期，或者改揀月費方案（HK$39／月）。計糧仍然免費。

1 位啟用中嘅外傭。多一位外傭需要另購一個計劃。已停用外傭嘅紀錄會保留。

可以。付款後 3 日內、而且未使用任何付費功能（未有存檔工資單、未有產生電子簽收連結、未有下載無水印 PDF），可獲全數退款。詳情請睇《退款政策》。

資料會保留但會鎖定，直至續期。續期後即時恢復；提早續期嘅話，新方案期由現有方案到期日翌日開始計。

可以。將原本外傭標記為僱傭關係結束（約滿或終止）之後，你可以將計劃餘下嘅時間轉移俾新聘外傭。每個計劃期內只可以轉一次；轉移後原本外傭嘅資料會鎖定，但可以免費匯出一次（PDF／ZIP）。已經發出嘅簽收連結繼續有效。餘下時間唔設退款。詳情見《服務條款》第 5 條第 6A 款。

續期即係再買一次（一次過付款），唔會自動扣款。你可以為同一位外傭續期；提早續期嘅話，新計劃由現有計劃到期日翌日開始計，唔會蝕日子。

PayHelpers HK 會按日曆日數按比例計：月薪 × 受僱日數 ÷ 當月日數，頭尾兩日都計（例如 10 月 15 日開始做，就計 10 月 15 日至 31 日共 17 日；做到 10 月 20 日，就計 10 月 1 日至 20 日共 20 日）。呢個只係 app 提供嘅計算輔助，唔係法律意見，亦唔係法例規定嘅計法；結果只供參考，以合約及法例為準。如有需要，你可以喺糧單調整今個月嘅膳食津貼。

合約文字辨識（OCR）用我哋自行寄存嘅開源軟件喺你部機嘅瀏覽器入面運行，唔會交俾第三方 OCR 服務。身分證同護照號碼會被遮蓋，唔會填入外傭資料。OCR 只係幫你預填，結果可能有錯漏，你要逐項核對先確認。免費用戶嘅合約原件喺你確認之後唔會保留；付費計劃會為你保存合約原件。合約唔會用嚟訓練人工智能，亦唔會俾其他用戶睇到。詳情見《私隱政策》。

月曆會自動標出香港法定假日（冬至或聖誕節二揀一），休息日由你喺月曆上標記。如果姐姐喺法定假日開工，App 會提你記錄補假（另定假日／代替假日）同埋期限，並印喺糧單上。休息日同法定假日都係有薪假，已包括喺月薪入面。所有計算只供參考，唔構成法律意見；有疑問請參考勞工處資料。

可以（付費計劃）。你傳一條簽收連結俾姐姐，佢用手機打開就可以睇到糧單同用手指簽名，唔使下載 App。糧單有中文（香港）、英文同印尼文。簽咗之後嗰個月嘅糧單會鎖定，唔可以再改。

可以。計劃到期或者轉咗俾新外傭之後，喺嗰位外傭嘅鎖定畫面撳「下載」就得，每位外傭可以免費下載一次，唔使續期。檔案係 ZIP，包括糧單、已簽收糧單、合約（如有儲存）、假期月曆同外傭資料。下載連結有效 10 分鐘；檔案建立後 30 分鐘內可以重新下載，之後檔案不能再下載，並會在 48 小時內從我們的伺服器刪除，請即時儲存。下載有問題可以電郵 support@payhelpers.com。